Искра од апарат за заварување го предизвикала пожарот во трговскиот центар „Блис“ во Битола, чие отворање е закажано за 5 август.
Вчера попладне изби пожар по кој интервенирале пожарникарите, а детали објави „Беком инвест“ за кој напиша дека е несреќен случај.
Бил настанат при монтирање на држачи на фасадата, при што искрата запалила фасаден панел.
„Нема жртви, ниту повредени. Единствено, според првичниот увид, причинета е материјална штета која го опфаќа фасадниот панел на источната страна, кој благодарение на фактот што е со PIR исполна (огноотпорен) во комбинација со PIR (огноотпорни) кровни панели и дополнителна внатрешна изолација со камена волна и огноотпорни ѕидови од гипсени табли, се спречи проширување во внатрешноста на објектот и на околните фасади од објектот“, се вели во соопштението.
Пожарот бил пријавен вчера околу 18 часот, и за нешто повеќе од 1 еден час бил ставен под контрола. За време на гасењето биле сечени дел од фасадните панели.
Во новиот трговски центар ќе има брендови од познати компании.