Македонскиот главен обвинител Љубомир Јовески во интервју за бТВ рече дека бугарските власти проверуваат дали има канти со гориво во автобусот.
Тој потврди дека на местото на настанот видел пластични цевки, но тие не биле изгорени. Тој ги опиша како шпекулации наводите дека несреќата е предизвикана од палењето на предметните цевки.
„Нема да водиме паралелна истрага, таква води Обвинителството на Бугарија – ќе соработуваме. Ќе ги чекаме резултатите и потоа обвинителството на Северна Македонија ќе одлучи што понатаму“, рече Јовески.
За двете водечки верзии за причината за несреќата – техничка неисправност или човечка грешка, Јовески коментира дека истрагата ќе ги покаже точните причини.
Според нивните податоци, пак, автобусот бил речиси нов и со редовен технички преглед.