Коронавирусот влезе и во штипскиот затвор. Три вработени лица и пет затвореници меѓу кои и поранешниот министер за внатрешни работи Митко Чавков кој издржува 16 годишна затворска казна. Директорот на затворот вели дека сите се во добра здравствена состојба.
„Во моментов во казнено-поправна установа Штип имаме три вработени и пет осудени лица кои што се позитивни на коронавирусот. Петте осудени лица се издвоени и изолирани од останатите осудени лица во две различни простории и престојувата сами. По препорака на директорот на казнено-поправниот дом Штип три од осудените лица се спроведени на дополнителни испитувања во инфективното одделение во Клиничката болница Штип каде им е направена комплетна кривна слика и компјутерска томографија на белите дробови“, изјави Мики Тодоров – директор на затвор Штип.