Денеска се одржуваат вонредни локални избори во црногорската општина Будва, а претседателот на општината Мило Божовиќ е во притвор една година, пренесува Бета и додава дека аналитичарите оценуваат дека ова е единствен пример во поновата политичка историја.
Божовиќ се уште е во притвор под обвинение за вмешаност во шверц на дрога. Тој беше уапсен во април 2023 година, а судот му дозволи да раководи со општинските работи од затвор на 11 месеци. Дури на крајот на март годинава локалното Собрание избра потпретседател со целосни овластувања.
На изборите за 33 советнички места се натпреваруваат девет изборни листи.
Будва е единствената општина во која владејачката коалиција За иднината на Црна Гора (поранешен Демократски фронт) излезе на избори поделена во две колони. Таа партија владее со Будва осум години, а од пред две години има апсолутно мнозинство во локалниот Парламент.
Буџет од 60 милиони евра
Движењето „Европа сега“ првпат учествува на локалните избори во Будва. На парламентарните избори во 2023 година таа партија постигна извонреден резултат во оваа општина, бидејќи за неа гласаа четвртина од гласачите.
Иако Владата сега е фокусирана на исполнување на критериумите кои се услов за понатамошна европска интеграција, главниот преговарач со Европската унија (ЕУ) Предраг Зеновиќ е носител на листата на движењето Европа сега на изборите во Будва, а потенцијално и на градоначалник.
Аналитичарите тврдат дека оваа листа речиси сигурно ќе биде на власт бидејќи речиси сите партии, со исклучок на ГП УРА на поранешниот премиер Дритан Абазовиќ, ја гледаат како партнер за коалиција по изборите.
Будва е најпосетуваната туристичка дестинација во Црна Гора и една од најбогатите општини, со буџет од околу 60 милиони евра.
