На аеродромот во германскиот град Меминген, тројца македонски државјани биле вратени од полициските контроли.
Едниот од нив е 28-годишен државјанин на Македонија, откако при контролата на влезот било констатирано дека не ги исполнува условите за влез, а во неговиот паричник пронашле и лажна бугрска лична карта. Откако платил казна за поседување на лажни документи, истиот бил вратен кон Скопје.
Вториот државјнанин бил 22-годишен, а при проверката службениците откриле дека имал забрана од Хрватска за влез во Шенген зоната, и не му бил дозволен влез.
Трето лице, 65-годишен престојувал повеќе од дозволеното, и тоа го приметиле властите во аеродромот во Меминген. Службениците му поднеле пријава за нелегален престој, и му било дозволено да се врати во Македонија.