Францускиот центристички политичар Франсоа Баиру, чие име често се споменуваше како можен наследник на премиерот Мишел Барние, утрово во Елисејската палата ќе се сретне со претседателот Емануел Макрон. Ова го пренесоа голем број француски медиуми, меѓу кои „Фигаро“ и телевизиите BeFM и SeNews.
Макрон ја одложи номинацијата за нов премиер до утрово, соопшти вчера Елисејската палата.
Во вторникот Макрон рече дека сака да назначи нов шеф на владата во рок од 48 часа.
Новиот тим треба да го замени тимот предводен од Мишел Барние, кој поднесе оставка минатата недела откако екстремно десничарските и левичарските пратеници гласаа за соборување на неговата влада, втурнувајќи ја Франција во втората голема политичка криза во последните шест месеци.