Четворица малолетници (две женски и две машки) се пронајдени попладнево во безсознание во куќа во Скопје, дознава Сител.
Тинејџерите во моментот се на лекување на Клиниката за Токсикологија.
Докторите се обидуваат да ја дознаат причината за нивната здравствена состојба, а повикан е и дежурниот персонал.
Според првичните информации, тие се во сериозна здравствена состојба, а забележани се и повреди на нивното тело.
Според докторот Андон Чибишев се работи за малолетници на возраст од 14 до 17 години.
„Веднаш се опсервирани од нашата дежурна екипа и почнато е со соодветна терапија и клинички испитувања. Примени се на одделот за интензивна нега и лекување. Две од децата се до сега стабилизирани, додека пак другите две се пратени на дополнителни иследувања. Утре ќе ги имаме резултатите“, порача Чибишев за телевизијата.