31-годишен маж е уапсен на 8 декември, откако за време на неговото патување се обидел да пренасочи домашен лет од Мексико кон САД, јави БГНЕС, повикувајќи се на „Франс прес“.
Авионот Ербас А320, кој полетал околу 7 часот и 17 минути. по локално време, патувал кон северозападниот град Тихуана од централниот град Леон, Гуанахуато, но морал итно да слета на меѓународниот аеродром во Гвадалахара околу 45 минути по летот.
„Субјектот ја нападнал стјуардесата и се обидел да влезе во пилотската кабина за да го пренасочи летот кон САД“, соопшти Секретаријатот за цивилна безбедност и заштита.
Сепак, членовите на екипажот успеале да го смират човекот – кој наводно патувал со неговото семејство – и сигнализирале итно слетување во Гвадалахара.
Во извештајот на операторот на летови Воларис се вели дека „агресорот им кажал дека негов близок роднина бил киднапиран и при полетувањето од Леон му се заканувале дека ќе биде убиен ако отиде во Тихуана“.
Во пораката не е прецизирано колку други патници имало во летот.
По апсењето, летот го продолжил патувањето до првобитната дестинација Тихуана.
Гуанахуато е една од државите кои се најмногу погодени од насилството на нарко-картелот, кое вклучува злосторства како што се изнуда и киднапирање.