Премиерот Христијан Мицкоски упати критики кон градоначалничката на Скопје, Данела Арсовска околу хигиената, и најави дека на следната седница Владата ќе расправа за хигиената во главниот град.
„Алармантна е ситуацијата, секој ден имаме повици од граѓани. Дали можеби како влада да направиме некои дополнителни чекори за да одземеме ингеренции на Градот, особено во делот на хигиената. Секојдневно има реакции, и јас ќе го покренам ова прашање на следната владина седница. Ова што се случува во Скопје личи на се, само не на главен град на членка на НАТО, и земја кандидат за членство во ЕУ“, рече Мицкоски.
Мицкоски рече дека Владата ги плаќа и автобусите на гас кои беа набавени во време на Петре Шилегов, затоа што Градот Скопје нема пари.