Орхан Муртезани од „ВЛЕН“ со најголема одговорност тврди дека во Влада и во институционалната комуникација нема искри меѓу „ЗНАМ“ и „ВЛЕН“. Муртезани утрово во Дејли Клик на ТВ21 вели дека „ЗНАМ“ користи националистичка реторика за медиумско внимание.
„Нема тензии во владата, додека нивниот претседател често дава контрадикторни изјави во јавното мислење. Ова го оценивме како обид да се прикрие недостатокот на медиумско внимание со напади врз Албанците“, потенцира Муртезани.
Муртезани вели дека Димитриевски со оваа реторика оневозможува во иднина да го поддржи на локалните избори во Куманово.
„Ако претседателот на ЗНАМ, Максим Димитриевски, има некаква фрустрација од потенцијално корумпираното или криминално владеење на ДУИ, кога беше дел од СДСМ, тогаш имаме институционална рамка со нас и сите овие прашања мора да се решаваат преку институциите, а не со напаѓање и покривање со антиалбанска реторика“, додаде Муртезани.
