Беспилотни летала на Вооружените сили на Украина во текот на ноќта нападнаа складиште за нафта во градот Ровенки во самопрогласената Луганска Народна Република (ЛНР). Според локалните власти, една цистерна со гориво се запалила, а во нападот со дрон нема жртви, пренесува РИА Новости.
Генералштабот на вооружените сили на Украина потврди дека украинската армија удрила во складиште за гориво и мазиво во близина на градот Ровенки во „привремено окупираната територија на регионот Луганск“, пренесува украински Интерфакс.
„Во оваа база се складирани нафта и нафтени деривати, кои меѓу другото и се доставуваат на руската армија“, соопштија од Генералштабот. Штрајкот го извршија силите на Главната разузнавачка управа на Министерството за одбрана на Украина во соработка со другите компоненти на одбранбените сили.
Претходно на социјалните мрежи се појавија видеа на кои се гледа запален магацин за нафта по напад на дрон, а потоа сателитски снимки го потврдија пожарот во реонот на магацинот за нафта во Ровенки.
Пред неколку дена вооружените сили на Украина го нападнаа рускиот крајбрежен нафтен терминал во Феодосија, предизвикувајќи пожар од големи размери кој се уште не е изгаснат, јавуваат украинските медиуми, пренесува Интерфакс. Забележано е дека овој терминал е најголем на Крим по обем на претовар на нафтени деривати, пренесува Танјуг.