Пред околу половина час се појави пожар на сува трева и ниска вегетација во Кривчева река, во непосредна близина на Свети Николе.
Од центарот за управување со кризи вонредно информираат дека има опасност од проширување на огнот и зафаќање на викендици.
„Поради опасност пожарот да зафати неколку викендици и блиските куќи во овој момент полетуваат два хеликоптери на МВР“, велат од ЦУК.
Пред два часа Центарот за управување со кризи информира дека пожарот кај Штип е целосно изгаснат како и дека во моментов не се регистрирани други пожари на отворен терен.
Во текот на вчерашниот ден имало вкупно 29 пожари на отворен простор.