Тетовскиот регион попладнево го зафати силно невреме проследено со обилни врнежи од дожд, со грмотевици и засилен ветер.
Во моментов голем број на сообраќајници се под вода, јавува дописникот на ТВ21 од Тетово.
Сообраќајот е целосно блокиран како во градот, така и на автопатот Тетово-Скопје каде има сè уште врнежи од дожд и град.
Од Центарот за управување со кризи информираа дека има барање за целосно исклучување на струјата во Тетово поради опасноста кон граѓаните од струен удар.