Оилко“ КДА Скопје вчера преку Македонската берза соопшти дека има намера да дадe понуда за преземање на сите обични акции со право на глас издадени од „Макпетрол“ АД Скопје, со што се официјализира постапката за преземање на најголемата компанија на пазарот на нафтени деривати во Македонија.
„Оилко“ се обврзува да ги откупи сите обични акции со право на глас по цена од 67.001 денар за една акција. За таа постапка согласност треба да дадат акционерите на „Оилко“ на собранието закажано за 20 јануари следната година, на кое исто така ќе се решава и за предлогот за задолжување на компанијата кај две големи банки за да се обезбедат пари за финансирање на преземањето.
