Осуденик почина во кругот на Казнено-поправната установа „Идризово“ во Скопје од последици на струен удар, соопшти Министерството за внатрешни работи.
Според информациите на МВР, во 14:43 часот до Секторот за внатрешни работи Скопје од установата било пријавено дека во делот на внатрешното шеталиште лицето Н. И. (42) од селото Тебреште се искачил на бандера и се фатил за жица под струен напон, по што паднал.
Екипа на Итната медицинска помош излегла на терен, а лекар ја констатирал смртта на самото место.
Се преземаат мерки за целосно расчистување на случајот, информираат од МВР.