Војник од турската армија, вработен во мисијата КФОР, почина денеска на сон, соопшти оваа мисија.
Точната причина за смртта на припадникот на КФОР допрва треба да се утврди, се вели во соопштението на мисијата.
„Со својата секојдневна служба, тој придонесе за тековните напори на КФОР за воспоставување постојана безбедност на Косово. Неговата посветеност на мисијата секогаш ќе биде запаметена и почитувана. Известени се членовите на семејството на починатиот војник“, велат од Кфор, пренесува РТС.
Командантот на КФОР, генерал-мајор Озкан Улуташ, изрази сочувство до семејството и пријателите на загинатиот војник.
„Искрено сочувство за оваа трагична загуба. Моите мисли се со членовите на семејството и пријателите на паднатиот војник. Неговата загуба се чувствува низ заедницата Кфора. Ќе му оддадеме чест преку нашата непоколеблива посветеност на мисијата на Кфора“, се заклучува во соопштението.
