Основното јавно обвинителство поднесе обвинение за градоначалникот на Струга Рамиз Мерко за набавка на луксузното Ауди А6. Ова на брифинг со новинарите го соопштија од јавното обвинителство.
Градоначалникот од неодамна е и на црната листа на САД.
Пред четири години обвинителството започна истрага за набавка на четири службени возила, меѓу кои и Ауди А6.
Вкупната вредност на набавените возила изнесувала 114 илјади евра, а само аудито 66 илјади евра.
Набавката на овие возила беше во 2018 година, кога општината имаше неподмирен долг од близу 4 милиони евра.
Предметот е поднесен од страна на Антикорупциска комисија која бараше кривична одговорност од струшкиот градоначалник поради злоупотреба на службената положба.
Обвинителството го гони градоначалникот по член 253 став 4 од Кривичниот законик.