Товарниот брод Dragon на компанијата SpaceX полета синоќа од лансирната рампа Кејп Канаверал во државата Флорида со залихи за Меѓународната вселенска станица (ISS), соопшти американската вселенска агенција НАСА.
Подигнувањето на капсулата без екипаж беше емитувано во живо на веб-страницата на НАСА. Се очекува леталото да стигне до ISS утре.
Покрај залихите за астронаутите и космонаутите на станицата, капсулата Dragon носи и експериментални случувања од студенти од универзитетите во Германија и Луксембург, кои победија на натпреварот организиран од Германскиот воздухопловен центар (DLR) во 2021 година.
Меѓу другото, проектите имаат за цел да го истражат растот на растенијата во средина со нулта гравитација.
