Седум советници на општина Липково поднесоа барање за одржување на вонредна седница на Советот на општината, за дислокација на дивата депонија во село Никуштак.
Останува должност на претседателот на советот да ги информира советниците за вонредната седница. На 26.08.2023 година, чадот од дивата депонија предизвика сообраќајна несреќа, во која изгореа два автомобили, а неколку лица беа повредени.
Дивата депонија е на еден километар од селата Орланци, Грушино и Никуштак, а чадот, лошата миризба и кучињата скитници се постојана закана за здравјето и безбедноста на жителите“, се вели во реакцијата на жителите на село Никуштак.