Попладнево во Македонија е екстрадиран првоосомничениот за убиството на 14-годишната Вања Ѓорчевска и 74-годишниот Панче Жежовски, Љупчо Палевски Палчо.
Тој пристигна со редовен лет на Туркиш Ерлајнс на скопскиот аеродром во 19:30 часот и директно ќе биде спроведен во Истражниот затвор Скопје попознат и како Шутка.
Според информациите на СДК.мк, неодамна била спремна посебна соба за Палевски и истиот ќе биде под посебно обезбедување, во засебна ќелија преку која се доаѓало преку посебен ходник.
Како што пишуваат, тоа е поради безбедносен ризик.
Палевски ќе биде прегледан од лекар за детален медицински преглед, по што ќе биде потстрижан и ќе му биде даден затворски комбинезон.
Исто така, храната ќе му биде посебно проверувана, а еднаш во денот ќе шета сам, на посебен отворен простор врзан за засебната ќелија.
