Во Берлин денеска беа поставени темелите и осветен новиот храм на Македонската православна црква – Охридска архиепископија, посветен на „Св. Климент Охридски”, извести Европската епархија на својот Фејсбук профил.
Осветувањето на храмот го изврши архиепископот охридски и македонски г.г. Стефан, во сослужение со митрополитот на Европската епархија г. Пимен и митрополитот на Тетовско-гостиварската епархија г. Јосиф, како и со бројни свештенослужители од МПЦ-ОА.
По чинот на осветување, беше одржана архиерејска литургија, а потоа следеше културно-уметничка програма со настапи на Ангел Стојкоски, музичката група „Доминанта“ и фолклорниот ансамбл „Македонско Сонце“ од Диселдорф.