Јавното комунално претпријатие „Водовод Битола“ информира дека денес, 21.11.2025 година, водоснабдувањето е прекинато во населените места од Кравари до граничниот премин Меџитлија.
Од претпријатието посочуваат дека екипите на терен се соочуваат со потешкотии при лоцирање на дефектот поради неповолните временски услови и поплавените делови, што може да го продолжи времето потребно за интервенција.
ЈКП „Водовод Битола“ најави дека навреме ќе информира за текот на интервенцијата и за обновувањето на редовното водоснабдување.