Во текот на изминатото деноноќие на целата територија на државата, полициските службеници лишија од слобода четворица возачи поради безобѕирно управување возило.
Од нив, двајца возачи (по еден во скопско и тетовско) управувале возило без возачка дозвола, а двајца возачи (по еден во Скопје и Гостивар) возеле под дејство на алкохол. По целосно документирање на случаите, ќе бидат поднесени соодветни кривични пријави.
Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден соообраќај.