Пилешко во крем сос
Состојки:
– 400 гр пилешко месо
– 3 лажици брашно
– 1 лажица сусам
– сол, бибер
– 30 гр путер
– малку маслиново масло
– 150 мл млеко
– 50 гр сирење
– сув билен зачин
– магдонос
Подготовка:
Пилешкото месо исечкајте го на ситни коцки, па веднаш измешајте го со сувите билки, биберот, брашното и сусамот.
Загрејте ги путерот и маслото, па додадете го пилешкото и пропржете неколку минути со постојано мешање.
Кога убаво ќе се испржи пилешкото, додадете млеко, магдонос и оставете да се вари неколку минути.
Потоа додадете го ренданото сирење и кога ќе се растопи тргнете го од шпоретот.
Ова јадење е одлично со салата, а можете да го користите и за правење сендвичи или да го јадете со пире од компири.
Пријатно!
