САД и Русија ќе разговараат за продолжување на договорот за контрола на нуклеарното вооружување , чија имплементација беше ставена во мирување по почетокот на војната во Украина. Ова го соопшти портпаролот на Стејт департментот на брифинг.
Се очекува средба меѓу членовите на билатералната комисија, пренесува Ројтерс.
Договорот предвидува инспекции, но Русија ги суспендираше во август, наведувајќи ги ограничувањата за патување како аргумент.
Договорот „Новиот СТАРТ“, кој стапи на сила во 2011 година, предвидува плафон за стратешките нуклеарни боеви глави на САД и Руската Федерација и ограничување на можностите за нивно лансирање.