Во склоп на конференцијата „200 жени претприемачки”, се одржа прогласувањето на победничките во првиот македонски избор на „Жена на годината”.
Меѓу овогодинешните лауреате се најде и првата жена на Управата за јавни приходи, Сања Лукаревска во категоријата млада жена менаџер на годината.
Лукаревска откако е дојдена на чело на УЈП започна и спроведува голем број на проекти, а меѓу најголемите е и мерката поврат на ДДВ кај граѓаните.
Целта на изборот е да се оддаде признание на дамите кои со својот професионален и општествен ангажман секојдневно и во континуитет поставуваат високи стандарди на деловно и етичко однесување и остваруваат забележителни резултати.
Организатори на “Жена на годината” се Маркетинг365 и Касиа Евентс. Поддржувач на изборот беше Сојузот на Стопански Комори на Македонија, а главен покровител на конференцијата беше Пивара Скопје.