Во 11.00 часот денеска во Владата на Република Северна Македонија СДСМ ќе му достави документи на премиерот Мицкоски за скандалот со Меџити, велат во соопштение од СДСМ.
„СДСМ чувствува одговорност да реагира веднаш откако премиерот Мицкоски јавно повика да му се достават докази за сомнежите дека постои корупција и неправилности во работата.
Пред да бидат документите предадени во Владата изјава за медиуми ќе даде портпаролката на партијата, Богданка Кузеска (11.00 часот, пред зградата на Владата)“, стои во соопштението на СДСМ.