После ВМРО-ДПМНЕ каде што имаше оглас за пријавување на претседателски кандидати на престојните претседателски избори, истото денеска го стори и СДСМ.
Владеачката партија распиша отворен повик за самокандидирање на кандидати за Претседател на Република Македонија на претседателските избори оваа година.
Заинтересираните треба да ги достават своите кандидатури најдоцна до 19.02.2019 година во седиштето на партијата.
Досега кај СДСМ се шпекулираше со неколку кандидати, меѓу кои Никола Димитров и Оливер Спасовски. Премиерот Заев истакна дека нема намера да се кандидира за претседател на земјата.