Нестабилна временска состојба ја зафати Македонија, информираат од Управата за хидрометеоролошки работи (УХМР).
Според последните информации, невреме проследено со пороен дожд, грмежи, силен ветер и појава на суградица се движи кон подрачјето на Скопје и Куманово. Невремето се движи во правец од северозапад кон југоисток.
Подоцна, околу 18 часот, невреме со олуен ветер, пороен дожд и грмежи било забележано во Штип и Кочани, а движењето на нестабилната воздушна маса е кон Виница.
Од УХМР предупредуваат на внимателност поради можност за појава на силен ветер, интензивен дожд и локални невремиња.