Претседателот на СОНК Јаким Неделков тукушто соопшти дека е постигнат договор со Влада. Тој информираше дека се зголемуваат платите за 12%.
Одговарајќи на новинарско прашање тој кажа дека учениците евентуално во училишните клупи би се вратиле во среда. Додека пак, за утре е планирана средба во СОНК со цел да се донесе одлука за официјално завршување на штрајкот.
„Се работи за процент од 12% на сегашните плати со додатоци кои следуваат врз основа на Законот за колективен договор“, додава претседателот на СОНК Јаким Неделков.
„Освен ова прашање беа отворени и други. А тоа е изработка на колективни договори за детска заштита основно и средно образование. Разговаравме и за приправниците, како и патните трошоци, регресот за годишен одмор. Се на се прашања кои заслужуваат внимание и на истите да се работи искрено“, изјави претседателот на СОНК Јаким Неделков.
„Во текот на утрешниот ден ќе имаме консултација со членството и ќе биде детално информирано. На задоволство на сите шрајкот ќе заврши“, додаде Неделков.
Во однос на изгубените часови и дали ќе има одлужување на државната матура, Неделков кажа дека овие работи би биле објаснети, по завршувањето на утрешниот состанок.