Министерот за внатрешни работи Оливер Спасовски на својот Фејсбук профил истакна дека претседателскиот кандидат кој ја одразува визијата на поддржувачите е клучен за успешно претседателство!
„За мене е многу важно да се утврди кандидат којшто пред се ги споделува вредностите не само на партијата, туку вредностите на мнозинството граѓани коишто се за нашето членство во ЕУ и на основа на тоа да избереме навистина одличен кандидат, којшто би бил и одличен претседател на државата. Личните амбиции, личните комбинаторики во овој момент се неважни. Проевропскиот фронт, проевропската коалиција секако дека е нешто што би претставувало една дополнителна вредност за државата и за напредокот на државата, заради тоа што е многу важно, кој концепт практично ќе ја предводи РСМ во наредниот период. Важно е да имаме фер, демократски избори, избори коишто ќе овозможат граѓаните да донесат одлука за тоа каде ја гледаат РСМ во наредниот период“, вели Спасовски.