Во рамките на активностите на делегацијата на Република Северна Македонија на Самитот на НАТО, на средбата со конгресмените Пит Сешнс, Роберт Адерхолт, Џо Вилон, Џон Муленар, како и со Џејмс Џонс, пензиониран генерал и поранешен советник за национална безбедност на Барак Обама, учествуваше и претседателот на Собранието, Африм Гаши.
Низ интерактивна и спонтана дискусија, беа споделени размислувањата на двете страни за македонските приоритети во светската безбедносна архитектура.
Воедно, беа потенцирани и добрите билатерални односи на Република Северна Македонија со САД.
Беа разгледани можностите за капитални економски инвестиции, а се потенцираше и посветеноста на новата Влада и сите државни институции во борбата против корупцијата и организираниот криминал, како предуслов за развој на државата и бенефит на сите нејзини граѓани.
Конгресмените изразија силна поддршка на земјата, во контекст на сојузништвото во НАТО и европската интеграција на земјата.