Арбен Таравари, министер за здравство и еден од лидерите на ВЛЕН, албанската коалиција во Владата на Македонија, попладнево реагираше по инцидентот со претседателката на Косово, Вјоса Османи на скопскиот аеродром.
Таравари бара да не се злоупотребува случајот со претседателот Османи.
„Не го злоупотребувајте случајот со претседателката Вјоса Османи, надлежните нека го расветлат случајот и без сомнение да одговараат за сите неправилности. Претседателот Османи е витез на мирот и стабилноста, знаејќи ја нејзината природа, убеден сум дека таа никогаш и никогаш не би сакала да предизвикува непотребни тензии“, вели Таравари.
Таравари понатаму пишува дека претседателот Османи заслужува апсолутна почит, бидејќи таа е една од ретките жени кои ја извршуваат оваа функција, достоинствено и умешно.