Екстремистичката организација „Ал Шабаб“ превзеде одговорност за денешниот напад на луксузниот хотелски комплекс „ДуситД2“ во кенискиот главен град Најроби, од каде што доаѓаат и пукотници, а исплашени цивили бегаат, пренесува АП.
Агенцијата наведува дека оваа екстремистичка организација чие седиште е во Сомалија, објавила дека нејзини борци се наоѓаат во хотелот, а пред него е автомобил бомба кој бил искористен во нападот.
Еден очевидец кој успеал да избега од местото на настанот, истакнал дека има многу пукотници во хотелот и дека во првиот момент искористил прилика да избега. Околу хотелот се наоѓаат кениската полиција и војска.