Утре, 26 ноември, во 11 часот ќе се одржи примопредавање на шест нови еколошки автобуси за ЈСП Скопје, донација од Европската Унија преку програмата „ЕУ за чист воздух“.
Автобусите, кои работат на компримиран природен гас (CNG) и го исполнуваат стандардот ЕУРО 6, ќе помогнат во намалување на емисиите на CO2 и подобрување на квалитетот на воздухот во Скопје.
На настанот ќе присуствуваат Амбасадорот на ЕУ, Михалис Рокас, Мишела Телатин од УНОПС, градоначалникот Данела Арсовска и министерот Изет Меџити.
Проектот ги опфаќа и Битола, Куманово и Тетово, а автобусите ќе овозможат подобар и инклузивен јавен превоз за сите граѓани.