Во Кривичниот суд денеска по втор пат беа кажани завршните зборови за случајот „Титаник 2“, откако Апелациониот суд ги поништи првостепените пресуди и го врати предметот на повторно судење.
Обвинителот Гаврил Бубевски побара Мендух Тачи, Сашо Мијалков и поранешните членови на Државната изборна комисија да бидат прогласени за виновни за случајот „Титаник 2“ кој е поврзан со изборни нерегуларности.
Иако случајот „Титаник 2“ е во завршна фаза, сепак се големи шансите Мијалков да се извлече од кривичното дело за кое е обвинет.
За да не остарее делото на Мијалков, Кривичниот суд треба да има правосилна пресуда до април, потоа предметот да се испрати до Апелација и да се одлучува за евентуалните жалби на странките и на крајот да се донесе одлука.
Во првата пресуда Мијалков е осуден на 3 години затвор, Мендух Тачи на 3 години и 2 месеци затвор, Бедредин Ибраими на 4 години и 6 месеци затвор и другите тројца поранешни членови на ДИК на 3 години затвор.
Инаку, во понеделник се очекува да има пресуда за овој предмет.