Навивачките групи од Скопје пристигнуваат во Битола со автобуси под полициска придружба, подготвени за вечното дерби помеѓу Пелистер и Вардар.
Блокирани улици и стотина полициски служвеници распределени се и задолжени за мир на вечерашниот фудбалски натпревар Пелистер – Вардар.
Натпреварот е прв кој ќе се одигра под рефлектори на стадионот под Тумбе кафе, откако беше изградена и трибината, со што се исполнија и условите за гостински навивачи.
Очекувањата се високи, а атмосферата е веќе наелектризирана, бидејќи овој натпревар секогаш привлекува големо внимание и возбуда кај љубителите на фудбалот.
Со ова дерби, уште еднаш се потврдува ривалството и спортската страст што ги обединува, но и разделува овие две легендарни екипи.
Иако и двете екипи се на дното од табелата во ПМФЛ натпреварот тоа не го прави ни помалку неинтересен.