Британската амбасада на својот Фејсбук профил објави видео од извонреден танцов настап на Чивнинг алумна Искра Шукарова.
Со ова тие ја честитаат Новата 2025 година.
„На сите пријатели им посакуваме Среќна Нова Година со извонреден танцов настап на Чивнинг алумна Искра Шукарова додека ја краси сцената во Британската амбасада Скопје! Овој специјален перформанс го слави спојот на британското и македонското знаење, традиции и култура, оживеани од неверојатните таленти на Чивнинг“, велат од Амбасадата.
За мајсторска изработка на музиката е потпишан Мартин Данчев, додека пак Сара Стојчевска е „виновничката“ за прекрасниот костум на Искра, спојувајќи ја традицијата со иновативноста.