Министерството за надворешни работи информираше дека денеска, при ракетниот напад во Киев, била погодена и важна инфраструктура во Голосеевскиот реон, вклучувајќи ја зградата која ги сместува шест амбасади, меѓу кои и Амбасадата на Република Северна Македонија.
Според соопштението, при нападот нема повредени меѓу дипломатскиот персонал, но е причинета материјална штета на амбасадата. Надлежните служби веднаш извршиле првичен преглед на штетите на терен и започнале со санирање на нанесената штета.