Нешто по 16:00 часот избувна пожар во зградата на спортскиот центар „Арена“ во Мостар, а посетителите кои случајно се нашле таму се евакуирани, објави Н1.
Како што потврдија од противпожарна служба од босанскиот град, пожарникарите сѐ уште се на терен и работат на спречување на ширење на пожарот. Тие наведуваат дека најверојатно се запалила соблекувалната, од каде пожарот почнал да се шири и во другите простории.
ТВ Јабука на својот Твитер профил сподели видео од теретаната сместена во овој центар, на која се гледа како посетителите од страв кршат прозорци.
Požar u Arena sport centar #Mostar, posjetitelji razbijaju stakla (Video: Čitatelj) pic.twitter.com/FrVRyd5sVx
— Jabuka.tv (@jabukatv) October 31, 2022
На терен се четири противпожарни возила и брза помош.