Во текот на ноќта полицијата во Тбилиси ги турна демонстрантите од централната авенија Руставели, каде што се наоѓа грузискиот парламент, јавува дописникот на Интерфакс.
Во овие моменти полициски службеници апсат дел од демонстрантите.
Претходно, неколку часа демонстрантите непрекинато пукаа во полицајци со пиротехнички средства, а подигнаа и барикади пред парламентот.
Union européenne | Les protestataires ATTAQUENT le parlement de Georgie pour contester la victoire du parti pro-russe. La Présidente pro-europe déclare qu’elle ne quittera pas son poste à l’issue de son mandat et réfute le résultat des urnes.pic.twitter.com/lZKnRPpbOi
— Sirènes (@SirenesFR) December 3, 2024
Откако полицијата употреби водени топови од самата зграда на парламентот, специјалците почнаа активно да се движат кон демонстрантите, кои потоа се повлекоа.
Заменик-министерот за внатрешни работи на Грузија, Александар Дарахвелидзе, синоќа соопшти дека во текот на изминатите шест дена протести во главниот град на Грузија, Тбилиси, се приведени 293 лица, а повредени се 143 полицајци.
Дарахвелидзе прецизираше дека се поднесени кривични пријави против пет лица, пренесоа грузиските медиуми.
Тој додаде дека некои демонстранти пред парламентот на авенијата Руставели употребиле насилство врз полицијата, додавајќи дека истрагата е во тек.
Демонстрантите синоќа се собраа и пред зградата на Собранието и со употреба на пиротехнички средства и ласери ја блокираа улицата Руставели, поради што полицијата употреби водени топови и постави кордони по околните улици, додека во зградата на парламентот беа мобилизирани специјалци.
The ter ror ist organization known as European Commission will not succeed, Mr. W.J. Burns.#Tbilisi is not #Maidan and #Georgia is not #Ukraine Lessons were learned, if you are a contract international agitator run now and take your cookies with you. https://t.co/pOYJcrdw6I
— ⛳️ (@VIX2030) December 4, 2024
Премиерот Иракли Кобахидзе ја обвини опозицијата и нејзините поддржувачи дека „сеат нестабилност“.
Шести ден продолжија демонстрациите во неколку градови против одлуката на Кобахидзе да ги прекине преговорите за пристапување на земјата во ЕУ.