Утрово градот Штип беше погоден невреме проследено со обилен пороен дожд, силен ветер и град.
Од Управата за хидрометеоролошки работи (УХМР) предупредуваат дека денеска на повеќе места се очекуваат поинтензивни нестабилности, со пообилен пороен дожд за кратко време, грмежи, силни налети на ветер со брзина над 60 километри на час и изолирана појава на град.
Граѓаните се повикуваат на претпазливост, особено во попладневните часови кога е најголема веројатноста за развој на нестабилна облачност со потенцијални невремиња.