Белорускиот медиум Nexta објави клип од емисија во живо на руската телевизија. Во тој клип, столчето на руската новинарка Екатерина Андрејева и се скрши додека водела емисија во живо.
Клипот беше споделен на Ксу и веднаш започнаа исмејувањата.
During the live broadcast, a chair broke under the main Russian propagandist, Ekaterina Andreeva. pic.twitter.com/GKi4OCEq7P
— NEXTA (@nexta_tv) October 13, 2024
„Ова е навистина ударна вест“, „Паѓа како што ќе падне и нејзиниот лидер“, „Значи функционираат санкциите“, „Дали столот е уапсен?“, „Кинеската фотелја?“, „Работат санкциите и на столчиња“, „Веќе ни столот не можеше да слуша“, се дел од коментарите.
Екатерина важи за една од најпознатите руски пропагандисти. Водител на програмите „Времја“ и „Новости“ на Првиот канал. Како новинар работи од 1991 година, кога почна да работи во утринската емисија.
Таа беше наградена со Орден за пријателство во 2006 година, а четири години подоцна беше вклучена меѓу десетте најдобри руски телевизиски водителки. Во август 2014 година, Украина ја стави Андрејева на листата на санкции поради нејзиниот став за војната во источна Украина и анексијата на Крим.
Во март 2022 година, додека Екатерина известуваше во живо на телевизија, нејзината колешка Марина Овсјаникова подигна транспарент во рамката протестирајќи против руската инвазија на Украина.