Тешка сообраќајна несреќа се случи во понеделник на автопатот А1 во Италија, при што загинаа три лица, а 15 се повредени.
Несреќата е предизвикана од камион кој преминал во спротивната лента и се судрил со неколку возила, вклучувајќи автобус, друг камион, автомобил и амбулантно возило.
Сообраќајот е запрен во двата правци на автопатот, а започната е и спасувачка акција. Службите објавија дека загинале три лица од амбулантното возило, возачот и неговиот придружник, двајцата волонтери, како и пациент кој лежел на носилка во моментот на несреќата.
Tragico scontro in A1, Camion salta e si rovescia nella carreggiata opposta.
— SOS EMERGENZA (@sosemergenza) August 4, 2025
Nel pauroso incidente tra Arezzo e Valdarno coinvolta un'ambulanza, un caravan un mezzo pesante e tre auto. Morti tutti i passeggeri dell'ambulanza.#sosemergenza#nue112 pic.twitter.com/bxENLFR1VN
Во спасувањето учествуваа и хеликоптери, пожарникари и болничари. Од 15-те повредени, еден е во критична состојба, а четворица се сериозно повредени.
Блокадата на еден од најважните автопати во Италија, кој ги поврзува Милано и Неапол, предизвика сообраќаен метеж и редици од километри на излезите кон Рим и Фиренца, пишува „Кориере дела Сера“.