Од опозициската партија ВМРО-ДПМНЕ денеска продолжија со обвинувањата кон власта за избор на надзорна компанија за работите во коридорите 8 и 10д.
Пратеникот на оваа партија, Бојан Стојановски, пред влезот на поранешната фабрика „Свилара“ од Велес, оваа фирма која сега ќе го врши надзорот над Коридорите 8 и 10д произведувала долна облека. Според Стојаноски, експертизата што ја има Електра Солушн е дека од текстилна фабрика сега ќе врши надзор на најскапиот градежен зафат во земјава.
Тој потоа рече дека покрај Електра Солушн на синот Ампов, овде канцеларии има и Институтот за патишта Велес на таткото Ампов, кој е добитник на првиот тендер за надзор, кој заради руската врска беше поништен.
Најсимптоматично од се, како што откри опозицискиот пратеник, е што во овие погони канцеларии има и Хрватската фирма со руски капитал ИГХ, која била носител на Конзорциумот со кој Институт за патишта Велес го добива и првиот тендер.
„Зарем некој во ЈО и ДКСК мисли дека фирма за производство на долна облека која добива лиценца за надзор за 5 дена може да биде постручна од фирми кои со години работат во областа? Власта влезе во шема која смрди на корупција. Со изборот на надзорот ризикуваат да ја посрамотат Македонија, и да го оштетат буџетот. ЈО и ДКСК да не мислат уште многу, туку да реагираат веднаш, иако тоа требаше да го сторат пред две недели“, вели Бојан Стојановски.