Вечерва околу 18 часот на патот Струмица-Радовиш, на крстосницата за селото Градошорци се случила сообраќајка во која три лица се полесно повредени.
Како што информираше портпаролката на СВР Струмица, Александра Трајанова, во сообраќајката учествувале три возила, од кои едното е превртено.
На местото на сообраќајката увид изврши полицијата. Додека траеше увидот собраќајот се насочуваше по стариот пат на делницата меѓу селата Василево и Градошорци.