Јавното претпријатие „Водовод и канализација – Скопје“ ја информира јавноста дека, и покрај секојдневните апели и преземени мерки, во главниот град и понатаму се бележи енормно зголемена потрошувачка на вода, особено во попладневните часови.
Според податоците, просечната дневна потрошувачка надминува 350.000 кубни метри, што доведува до сериозно оптоварување на водоснабдителниот систем и резултира со прекини на водоснабдувањето, особено во високите зони на градот.
Претпријатието повторно укажува дека овој алармантен раст на потрошувачката е предизвикан од неконтролирано трошење вода, вклучително:
- Полевање на тревници, бавчи и ниви
- Перење на автомобили
- Полнење на базени
Од „Водовод и канализација – Скопје“ апелираат до сите граѓани на совесно, одговорно и рационално користење на водата, со цел да се овозможи стабилно и непречено снабдување за сите делови од градот.
Во услови на високи температури и зголемени потреби, секој капка вода е значајна!