Ураганот Милтон, кој достигна петта категорија на јачина, се движи кон областа на Мексиканскиот залив во Флорида, каде што повеќе од милион луѓе се повикани да се евакуираат.
Ураганот веќе зафати делови од Мексико и полека се движи кон Флорида. Се очекува да ја зафати Флорида во текот на ноќта помеѓу среда и четврток по локално време.
Наводно видео кое кружи на социјалните мрежи покажува како екипажот на рибарски брод во близина на Јукатан се бори со дожд, бранови и силни налети на ветер.
Fishing boat on seas faced the hurricane Milton in the Celestún of #Yucatán, #Mexico#Milton #hurricanemilton #MiltonFlorida #florida #flwx #Tampa #huragan #Burza pic.twitter.com/suXqNJRLe2
— Chaudhary Parvez (@ChaudharyParvez) October 9, 2024
Во Флорида веќе привршува евакуацијата на околу милион луѓе од областа која се очекува да биде најпогодена, а сообраќајот на автопатот меѓу Макон и државната линија Флорида-Грузија е зголемен за 280 отсто во споредба со просекот.
Да потсетиме дека повеќе од 200 луѓе загинаа во ураганот Хелена во шест американски држави, што го прави посмртоносен од ураганот Катрина, кој уби речиси 1.400 луѓе во 2005 година.
Најсилниот атлански ураган во историјата е Ален од 1980-тите, кој достигна брзина на ветер од 306 километри на час и се движеше преку Карибите пред да ги погоди Тексас и Мексико.