Претставничката на Шведска, Лорин по вторпат победи на Евровизија, со што стана вториот изведувач во историјата на ова музичко натпреварување кој победил двапати.
Пред неа тоа му успеа само на Џони Логан, кој победи во име на Ирска во 1980 и 1987 година.
Лорин веќе и е позната на јавноста бидејќи победи на Евровизија во 2012 година со песната „Euphoria“, која воедно беше една од најслушаните песни во историјата на ова натпреварување.
Лорин важеше за фаворит на обложувалниците уште пред да победи на националното натпреварување во Шведска.
Која е Лорин?
Лорин е родена во 1983 година во Стокхолм, а нејзините родители се по потекло од Мароко. Таа се преселила во Вастерас како девојче и ги открила своите вокални таленти на натпревар за идоли во 2004 година.
Нејзиното вистинско име е Лорин Зинеб Нора Талхауи.
Loreen becomes only the second artist to win the #Eurovision Song Contest TWICE 🏆🏆 pic.twitter.com/DxKXqB0t2G
— Eurovision Song Contest (@Eurovision) May 13, 2023
Потоа го освои четвртото место и го објави својот прв сингл „The Snake“. После тоа, Лорин ја објавува песната „My Hearth Is Refusing Me“, а оваа песна се најде на првото место на шведските музички топ листи.
Лорин има бројни други хитови како Walk with Me, Neon lights, Sober, In My Head и I’m in It with you.
Додека работеше како сегментен продуцент и режисер за неколку шведски реални ТВ-шоуа, таа влезе во Мелодифестивален 2011 со песната My Heart Is Refusing Me, која стана еден од најдобрите 10 хитови во Шведска. Таа исто така влезе во топ 20 хитови во Шведска со сингловите Crying Out Your Name во 2012 година и Statements во 2017 година.
Со победата на Евровизија, Лорин ненамерно започна тренд на „гордо“ покажување на влакнести пазуви во нејзината родна Шведска. Се започна кога камерата на Мелодифестивален ја фати Лина Ехрин како ги крева рацете во знак на прослава на победата на омилената Лорин.
Покрај музиката и телевизијата, Лорин се занимава и со активизам. За време на Евровизија 2012 таа беше единствената учесничка која се сретна со активисти за човекови права, додека во 2014 година ја доби Светската детска награда за борба за правата на децата.
