Утре ќе започне вонредниот инспекциски надзор за смртта на 28 годишното момче кое вчера беше евидентирано во ковид статистиката.
„Вoнреден инспекциски надзор ќе следува од утре. Вонредниот инспекциски надзор ќе го опфати како и секој пат досега целокупниот пат на лекување на пациентот, од неговиот матичен лекар до установата кадешто починал“, изјави Сотирова-Бухова – директорка на државниот здравствен и санитарен инспекторат.
Таа соопшти дека државниот здравствен и санитарен инспекторат секогаш извршува инспекциски надзор во оние случаеви каде има починати млади пациетни.